Y Gronfa Gofal Integredig

Ein cynllun ar gyfer Cwm Taf Morgannwg

Yn 2019/2020, cafodd rhanbarth Cwm Taf Morgannwg £12,967,664 o gyllid refeniw o’r Gronfa Gofal Integredig a £5,049,000 o gyllid cyfalaf er mwyn gwella a datblygu gwasanaethau cynaliadwy i bobl sy’n byw ym Mhen-y-bont ar Ogwr, Rhondda Cynon Taf a Merthyr Tudful.

Gallwch ddarllen am refeniw a chyllid cyfalaf y Gronfa Gofal Integredig yma.

Gweithiodd yr Uned Gomisiynu Rhanbarthol gyda phartneriaid yn y sector iechyd, yr awdurdodau lleol, y trydydd sector, y sector addysg a’r sector tai er mwyn llunio cynllun ynghylch sut bydd y cyllid yn cael ei ddefnyddio ar draws iechyd a gofal cymdeithasol.

Trwy gydweithio, gallwn ni sicrhau bod y cyllid yn arwain at brofiadau a chanlyniadau gwell i unigolion ac i gymunedau.

Cyllid refeniw

Gweithiodd yr Uned Gomisiynu Rhanbarthol gyda phartneriaid er mwyn datblygu cynllun Refeniw dwy flynedd ar gyfer y Gronfa Gofal Integredig.

Cafodd £12,967,664 ei fuddsoddi yn y tri awdurdod lleol (Cyngor Bwrdeistref Sirol Rhondda Cynon Taf, Cyngor Bwrdeistref Sirol Pen-y-bont ar Ogwr a Chyngor Bwrdeistref Sirol Merthyr Tudful), yn ogystal â Bwrdd Iechyd Prifysgol Cwm Taf Morgannwg, y sector gwirfoddol a’r sector annibynnol.

Helpodd yr arian i ddatblygu 54 o brosiectau er mwyn darparu gwasanaethau ar gyfer:

• pobl gydag anableddau dysgu
• plant a phobl ifanc gydag anghenion cymhleth
• gofalwyr di-dâl
• ymyrraeth gynnar i blant a theuluoedd
• gwasanaethau Dementia
• gwasanaethau awtistiaeth integredig
• System Gwybodaeth Gofal Cymunedol Cymru (WCCIS)
• pobl hŷn gydag anghenion cymhleth

Cyllid cyfalaf

Gweithiodd yr Uned Gomisiynu Rhanbarthol hefyd gyda phartneriaid i ddatblygu cynllun buddsoddi cyfalaf tair blynedd, gyda £5,049,000 o gyllid.

Rhwng 2019 a 2020, cafodd saith prosiect cyfalaf ar raddfa fawr gyfanswm buddsoddiad gwerth £3,640,061.

Helpodd yr arian i greu cynlluniau, gan gynnwys:

• model cymysg o dai gofal cymdeithasol
• cynlluniau gofal ychwanegol ar gyfer pobl hŷn
• llety byw â chymorth i bobl gydag anableddau dysgu
• canolfannau cymunedol
• ad-drefnu gwasanaethau dydd Dementia ar draws Rhondda Cynon Taf, Merthyr Tudful a Phen-y-bont ar Ogwr

Cafodd gweddill yr arian ei fuddsoddi mewn 52 o brosiectau cyfalaf ar raddfa lai, gan gynnwys addasiadau cyfalaf, gwaith adnewyddu ac offer.

Roedd hyn yn cynnwys:

• mân addasiadau i adeiladau ar gyfer plant gydag awtistiaeth, gan gynnwys ystafelloedd synhwyraidd a meysydd chwarae
• gwell llwybrau ar gyfer prosiectau beicio i bobl gydag anableddau dysgu
• cymhorthion ac offer at ddibenion diogelwch yn y cartref ac addasiadau i gartrefi pobl ar ôl iddyn nhw gael eu rhyddhau o’r ysbyty
• addasiadau i adeiladau ar gyfer gwasanaethau i bobl hŷn gyda Dementia, gan gynnwys gerddi synhwyraidd