Pam ydyn ni’n gwneud hyn?

Rydyn ni angen deall pa wasanaethau iechyd, gofal cymdeithasol a llesiant sy’n bwysig i bobl sy’n byw yn ein rhanbarth, er mwyn i ni allu creu gwasanaethau newydd a gwella rhai sy’n bodoli eisoes.

Bydd y digwyddiadau hyn, rydyn ni’n eu galw’n ‘hac-a-thons’ yn rhoi cyfle i weithwyr proffesiynol a phreswylwyr ddod at ei gilydd i rannu’u barn a’u teimladau ar bynciau amrywiol, o iechyd meddwl i gynyddu hygyrchedd i wasanaethau Iechyd a Gofal Cymdeithasol.

Bydd pob digwyddiad yn cynnwys gweithgareddau creadigol i helpu pobl fynegi’u hunain. Rydyn ni’n ddiolchgar iawn i gael pobl greadigol sy’n cynnwys cyfansoddwyr caneuon, artistiaid a gwneuthurwyr ffilm yn rhan o’r gwaith hwn.

Bydd mewnwelediadau o’r digwyddiadau hyn yn bwydo ein Hasesiad Anghenion y Boblogaeth, ynghyd â’r Asesiad Llesiant sy’n cael ei ddatblygu gan Fyrddau Gwasanaeth Cyhoeddus Cwm Taf a Phen-y-bont ar Ogwr.

I gael mwy o wybodaeth am yr asesiadau, ewch i’r ddolen isod os gwelwch yn dda.