Fel Bwrdd Partneriaeth Rhanbarthol, rydyn ni yn y broses o ddatblygu Asesiad Anghenion y Boblogaeth

Mae’r asesiad hwn yn edrych ar ba adnoddau, cyllid a chefnogaeth sydd ei angen ar gyfer gwasanaethau iechyd, gofal cymdeithasol a llesiant dros y pum mlynedd nesaf.

Mae’n gyfle pwysig i ddeall sut i wella systemau a gwasanaethau, a phrofi syniadau newydd a allai wella bywydau pobl.

Dim ond chwe wythnos sydd i fynd tan y bydd hi’n amser cyhoeddi drafft cyntaf yr asesiad, felly rydyn ni’n galw ar sefydliadau o bob cwr o Gwm Taf Morgannwg i gefnogi ein hymgyrch ‘Wrth Eich Ochr’.

Nod yr ymgyrch yw arddangos straeon pobl o bob cwr o’r rhanbarth, dangos i eraill nad ydyn nhw ar eu pennau’u hunain, ac annog mwy o bobl i ddod ymlaen i rannu’u llais.

Tan ddiwedd mis Tachwedd, byddwn ni’n rhannu straeon gan bobl ar draws y rhanbarth, ac yn gofyn i eraill wneud yr un peth gan ddefnyddio’r hashnodau #byyoursidectm  #wrtheichochrctm.

Gwyddom y gallwn roi llais i bobl sydd angen cael eu clywed drwy ddod at ein gilydd a sefyll wrth ochr ein gilydd fel hyn.