Y Rhaglen Drawsnewid

Trawsnewid gwasanaethau i helpu pobl i fyw’n hapusach ac iachach

Mae pobl yn haeddu byw bywydau hir a hapus. I wneud yn siŵr bod hyn yn digwydd, mae angen i ni ddod o hyd i ffyrdd o sicrhau gwell canlyniadau iechyd i bobl o bob oed a chefndir.

Trwy dreialu gwasanaethau newydd a gweithio’n agos gyda dinasyddion a staff iechyd a gofal cymdeithasol, gallwn ni ddechrau gweld pa welliannau fydd yn dwyn budd i bobl yn yr hirdymor.

Cronfa Trawsnewid

Yn 2018 sefydlodd Llywodraeth Cymru Gronfa Trawsnewid gwerth £100m i helpu Byrddau Partneriaeth Rhanbarthol i gyflawni eu huchelgais ‘Cymru Iachach’. 

Diben y Gronfa Drawsnewid yw gwella gwasanaethau iechyd a gofal cymdeithasol trwy roi mwy o bwyslais ar fodelau sy’n llwyddiannus a disodli modelau llai llwyddiannus neu fodelau hen ffasiwn.

Trwy’r gronfa hon, roedd modd i ni sefydlu gwasanaethau iechyd a gofal cymdeithasol newydd yn seiliedig ar beth oedd ei angen ar bobl.

Yna yn 2019, cawsom ni £22.7 miliwn yn ychwanegol i gyflymu’r prosiectau trawsnewidiol sy’n digwydd ar draws Rhondda Cynon Taf, Merthyr Tudful a Phen-y-bont ar Ogwr a’u hehangu.

Darllenwch fwy amdanyn nhw isod.